Kubalumuka Mumuchima
Muloñadi antu ejima chatela kubalumukilawu mumuchima nakulomba kudi Nzambi kulonda ayanakeni?
Talenu cheñi Yil 26:20
Nsañu yamuBayibolu yikuyikwasha:
Luk 18:9-14—Yesu wahanini chakutalilahu chamwekesheleña nawu twatela kushimuna nshidi jetu nikulomba kudi waNzambi atukwashi
Rom 7:15-25—Hela chakwila wadiña kapostolu nawa wadiña nachikuhwelelu chakola, Pawulu waneñeleña muloña mpinji yikwawu waluwañesheleña
Bayibolu yashimuna nawu Yehova watiyaña ñahi neyi muntu abalumuka mumuchima?
Nsañu yamuBayibolu yikuyikwasha:
Luk 15:1-10—Yesu wahanini yakutalilahu yamwekesheleña nawu Yehova niañelu atiyaña kuwaha neyi mukanshidi abalumuka mumuchima
Luk 19:1-10—Zakewu, mukulumpi wawakakutambula nyisonku wadiña chipwapoki, wabalumukili mumuchima nakuhimpa njila jindi, nawa amwanakeneni nshidi jindi
Tunateli kumwekesha ñahi netu tunabalumuki chikupu?
Eze 18:21-23; Yil 3:19; Efw 4:17, 22-24; Kol 3:5-10
Talenu cheñi 1Pe 4:1-3
Kudiza Bayibolu kunateli kumukwasha ñahi muntu wunabalumuki chikupu mumuchima?
Rom 12:2; Kol 3:9, 10; 2Ti 2:25
Nsañu yamuBayibolu yikuyikwasha:
Yil 17:29-31—Kapostolu Pawulu wayilumbulwilili eni Atenisi nindi adifukwileña kudi nkishi muloña wakubula kwiluka chalala nawa wayikonkomweneni nindi abalumuki munyichima
1Ti 1:12-15—Henohu kanda amwiluki Yesu Kristu, kapostolu Pawulu wakoñeleña nshidi yasweja muloña wakubula kwiluka chalala
Kubalumuka mumuchima kwalemenadi?
Muloñadi wutwatela kukuhwelela netu neyi tubalumuka mumuchima, Yehova wukutwanakena hela chakwila tunavulumuni mapampa amavulu?
Yehova wayimonaña ñahi antu ashimunaña nshidi jawu nakuleka yuma yatama yelileñawu?
Talenu cheñi “Luwi”
Tuneluki ñahi netu kubalumuka mumuchima bayi neyi hikwiteja hohu netu twaluwañesheli hela kuditoñesha hayuma yitweliliku?
2Ku 7:14; Yis 28:13; Eze 18:30, 31; 33:14-16; Mat 3:8; Yil 3:19; 26:20
Nsañu yamuBayibolu yikuyikwasha:
2Ku 33:1-6, 10-16—Hela chakwila welili yuma yatama hadi mpinji yayilehi, Mwanta Manasi wabalumukili chikupu mumuchima nawa wadizozeli, walombeleña mpinji yejima, nawa walekeli kwila yuma yatama yelileñayi
Ms 32:1-6; 51:1-4, 17—Mwanta Davidi wamwekesheli nindi nabalumuki chikupu mumuchima kuhitila mukushimuna nshidi yakoñeliyi nikulomba nindi Yehova amwanakeni, nawa washimwini nindi wamuvulumwini Yehova, dichaletesheli atiyi kutama nankashi
Neyi antu atuluwañesheli abalumuka mumuchima, muloñadi wutwatela kuyanakena?
Mat 6:14, 15; 18:21, 22; Luk 17:3, 4
Talenu cheñi “Kwanakena”