NJILA JINATELI KUYIKWASHA HAKUDIZA NKAWENU
Chakumwekesha Kuhamuka Neyi Munakumona Kukala
Tañenu Yeremiya 38:1-13 kulonda mudizili kukuhamuka kwamwekesheliyi kaprofwetu Yeremiya nintuñu Ebedi Meleki.
Toñojokenu hanoyu nsañu. Yeremiya wamwekesheli ñahi kuhamuka hashimwinineñayi nsañu yaYehova? (Yere. 27:12-14; 28:15-17; 37:6-10) Elili ñahi chatiyiliwu iyi nsañu?—Yere. 37:15, 16.
Sandujolenu chikupu. Kukalanyi kwamweniyi Yeremiya? (jr-E 26-27 ¶ 20-22) Talenu yuma yimwatela kwiluka hamashima akushankulu. (it-1-E 471) Yumanyi yatoñojokeleñayi Yeremiya hampinji yadiñayi mwishima damalowa? Yumanyi yatiyileñayi woma Ebedi Meleki yateleleliyi kushinda?—w12-CW 5/1 31 ¶2-3.
Toñojokenu hayuma yimunadiziliku. Dihulenu nenu:
‘Iyi nsañu yinakundizishadi hachakiñañayi Yehova ambuñindi ashinshika?’ (Mas. 97:10; Yere. 39:15-18)
‘Muyumanyi munatela kumwekeshela chilwilu chakuhamuka?’
‘Nateli kuswejelaku ñahi kwikala wahamuka hakwila nili chuma chaloña hampinji yinnakumona kukala?’(w11-CW 3/1 30)a