Tuilet Aṭanga Aigupta Ata Chhanchhuahna

Mi pariat chauh Tuilet an dam khawchhuak a, mahse a hunah chuan sang tam tak tling khawpin an pung a. Tichuan, Tuilet hnu kum 352-ah Abrahama a piang a. Fapa Isaka pein Pathianin Abrahama hnena a thutiam a hlenzia kan hria. Tin Isaka fapate pahnihah Pathianin Jakoba a thlang a.

Jakoba chuan fapa 12 leh fanu thenkhat nen chhung ruai pui mai a nei a. Jakoba fapa 10-te chuan an nau Josefa chu an hua a, Aigupta-a bawih-nihnaah an hralh a. A hnuah Josefa chu Aigupta-a roreltu pawimawh a lo ni a. Tam tha lo a tlak laiin Josefa chuan a unauten an thinlung an thlak leh thlak loh a chhin a. A tawpah, Jakoba chhungkaw pum pui, Israel-mite chu Aigupta-ah an pem a. Chu chu Abrahama pian hnu kum 290-ah a thleng a ni.

A hnu kum 215 chhung zawng Israel-mite chu Aigupta-ah chuan an cheng a. Josefa thih hnuah chuan, chutah chuan bawih an lo ni ta a. A hunah, Mosia a lo piang a, Aigupta atangin Israel-mite chhan chhuak turin Pathianin a hmang a. A vaiin kum 857 chhung thawnthu Bung HNIH hian a huap a ni.