Lâwmthu Sawi Ṭawngṭaina

1. Fak r’u Jehova, khawngaihnaa khat,

Aw Chungnung ber, zaiin kan chawimawi che;

Kan lo kûn e, Aw, ṭawngṭai Ngaithlatu,

I ngaihsakna thlazâr hnuaia awmin;

Kan thil sual tihte hi ngaidam ang che,

Kan chak lohzia min hriattîr ṭhîntu chu;

I Fapa thisena lei kan ni ta,

I zirtîrna dawn chu kan duh ngei e.

2. An eng a thâwl mang e, i sâwmte chu,

I zirtîrna êng hnuaia awm tûra’n;

Zirtîrin min hruai rawh, kan hriat nân che,

I biak in chhûnga chên kan duh ngei e;

A ropui e, i kut thiltihtheihna,

I bâwih hnêna huaisenna petu chu;

Chhandamna Pathian, i Ram kan nghâk e,

Ram thu hril rawh, a thlen ngei dâwn vângin.

3. I ngaihsakna zârah hlimna pung se,

Leilung zawng zawngah i biakna thang se;

Ṭhatnaa vûr i Ram a lo thleng ta,

Thih leh nat, lungngaih, ṭahte paih bovin;

I Fapa’n sual zawng zawng a ti tâwp ang,

Malsâwm dawng thil siamte hlimin an au;

Hnehna hla sain zai i vâwr ang u:

“Fak r’u Jehova, kan Lal ropui chu!”