Kristian Inpumpêkna

1. Lalpa Jehova chuan a siam,

Lei leh vân ropui tak;

Engkim hi a ta a ni e,

A kut chhuak a ni si;

Ama’n a thil siamte hnênah,

Nunna thaw chu pein,

An chawimawi leh biak a phuzia chu,

Hnial rual lohvin a lantîr.

2. Tuiah Isua baptis a ni,

Felna tihfamkim nân;

A tiam ṭawngṭaiin Pa hnênah:

‘I tân ka inpe e.’

Pathian Fapa hriak thih niin,

Jordan ata a chhuak;

Inpumpêk tawh mi rinawm angin,

Thu âwihin rawng a bâwl ang.

3. Kan rawn pan a che, Jehova,

I hming ropui fakin;

Inphat leh thuhnuairawlhna nên,

Kan nun kan rawn hlân e;

I Fapa mal neih chhun min pe,

Man hlu tak petu chu;

I tân kan thiin, kan nung bawk ang,

Mahni tâna nung lovin.