Setana Thu An Ngaithla—Eng Nge A Rah Chhuah?

Pathian thu an zawm loh avângin Adama leh Evi-te chu an thi. Genesis 3:6, 23

Evi chuan rûl thusawi âwihin thei rah chu a ei a. A hnuah, ṭhenkhat chu Adama a pe ve a, ani pawhin a ei ve ta a.

An thiltih chu a dik lo—thil sual a ni a. An chênna in Paradis ata Pathianin a hnawt chhuak ta a ni.

An tân leh an fate tân chuan nun a harsa ta hle a. An lo tarin an lo thi ta a ni. Anni chu thlarau khawvêlah an kal lo; an awm tawh lo mai zâwk a ni.

Mitthite chu vaivut ang maia nunna nei lo an ni. Genesis 3:19

Keini pawh Adama leh Evi-te thlah kan nih avângin kan thi a. Mitthite chuan thil engmah an hmu thei lo va, an hre thei lo va, an tithei hek lo.—Thuhriltu 9:5, 6, 10.

Mite an thih hi Pathian Jehova duhzâwng a ni lo va. Nakin lawkah mitthi tawhte chu a kaitho leh ang a. A thu ngaithlatute chu chatuanin an nung ang.