Lalram Hlate Ngaihthlâk Theihna Hun Ṭha Tak

Pathian chhiahhlawhte chuan rimawi chu Jehova thilpêk ṭha tak angin an thlîr a. (Jak. 1:17) Kohhran tam tak chuan inkhâwm ṭan hma leh bân hnua Lalram hlate ngaihthlâk chu nuam an ti hle. Inkhâwmnaa theocratic rimawi zaitîrna chuan hahdamthlâk takin min lo lâwm lût a. Chu chuan inkhâwm tûra rilru lama inpeih tûrin min ṭanpui a ni. Chu bâkah, kan hlabu-a hla thlûk tharte zaitîrna chuan thiam taka sa thei tûrin min ṭanpui bawk. Inkhâwm bâna chutiang rimawi zaitîrna chuan nuam taka kan inkawm theihna tûr boruak nuam tak a siam a ni. Chuvângin, upahote chuan Sing to Jehovah—Piano Accompaniment chu inkhâwm ṭan hma leh bân hnua zaitîr tûrin ruahmanna an siam tûr a ni a. Inawpna pâwl siam chhuah loh rimawi dangte zaitîr chu thil tihâwm a ni lo. Upate chuan tîtîna tibuai lo tûr tâwka zaitîr ṭhîn tûrin an endik tûr a ni.