“. . . Thlaa Magazine Sem Chhuah Dân Tûr”

Thla tin hian magazine sem chhuah dân tûr chu Rawngbâwlna Inkhâwm-ah kan telh ṭhîn a. A tum chu, magazine chhûnga thu awmte ennawn a ni lo. Magazine sem chhuah dân tûr chungchânga ngaih dân sawiho nâna siam a ni zâwk a. Chuvângin, kaihhruaina angin, chanvo nei unaupate chuan magazine chunga phurna nei tûrin thuhmahruai tâwi têin a sawi a. Tichuan, thuziak pakhat (a nih loh leh thuziak inzawmte) chungchânga thuchhuahtute rawtna pêk chu a la khâwm ang; chutiang chuan mi tinte chuan an hman duhte chu an lo chhinchhiah thei ang. Ngaithlatute chu an pêk chhuah dân tûr a vaia sawitîr vek ai chuan, kaihruaitu chuan tuina chawktho thei zawhna an zawh tumte a zâwt ang a, tichuan, Bible châng an chhiar tumte chu a zâwt ang. Magazine tinte chu sem chhuah dân tûr entîrna hmangin a titâwp ang. Magazine-te chu inkhâwm hmaa lo chhiar lâwk tûr leh rawtna kan neihte pe tûra fuih kan ni. Ṭha taka kan inbuatsaih ṭheuh chuan, he sawihona hian mi dangte nêna intihriam tawn tûrin min ṭanpui ang.—Thuf. 27:17.