Rawngbâwlnaah Thiamna Tihmasâwn Rawh—Tlawhkîr Leh Thei Tûra Hma Lain

A Pawimawh Chhan: Tuina lantîrtu tuemaw kan hmuh hian, thutak chi kan tuh chu tuia kan châwm theih nân ina a awm laia tlawhkîr leh chu kan duh a. (1 Kor. 3:6) Chu mi tithei tûr chuan, kan tlawh leh theih hun tûr hriat tumin tlawhkîr leh tûra hma kan lâk a ngai fo a ni. Chu bâkah, tlawh leh huna kan sawiho tûr zawhna pakhat hnutchhiah chu a ṭha bawk. Chu chuan in neitu chu tlawhkîr leh hun nghahhlelhna a neihtîr ang a, zawhna kan hnutchhiah chhânna chu kan thu leh hla pêka a awm chuan a chhiar châk lehzual ang. In biak leh huna sawi tûr thlanna chuan sawiho tûr chu thlansa a nih tawh avâng leh, in neituin kan sawi tûr a hriatsa avângin tlawhkîr leh chu a tiawlsam bawk. Kan va tlawh leh hunah chuan, kan rawn tlawh hmasak ṭuma kan hnutchhiah zawhna chhâng tûra lêng kan nih thu sawiin, thu kan sawi ṭan thei a ni.