Thil Ṭha Ti Tûra Ṭhahnemngai Taka Inchawk Tho Tawnin

Hebrai 10:24 chuan ‘hmangaih leh thil ṭha tiha inchawk tho tûra inngaihtuah tawn’ tûrin min fuih a. Kan unaute chu kan entawn tûr siam leh kan rinna sawi chhuahna hmangin kan chawk tho thei a ni. Chuvangin, kohhran chhûnga mi dangte hnênah i thiltawn ṭha neihte chu hrilh rawh. Jehova rawngbâwlnaa i hlim dân chu hmuhtîr bawk rawh. Chutih rual chuan, anni chu nangmah emaw, mi dangte emaw nêna a ṭha lo zâwnga khaikhinna chu pumpelh ang che. (Gal. 6:4) Kawng engemawa i chakna chu mi dangte, inthiam loh chunga thil ṭha tihtîr nân ni lovin, “hmangaihna avânga thil ṭha tihtîr” nân hmang zâwk rawh. (Ministry School lehkhabu, p. 158, par. 4) Hmangaih tûra kan infuih chuan, thil ṭha tih—mi dangte chunga khawvêl lam thila ṭanpuina pêk leh thu hrilhna—chuan a rawn zui ang.—2 Kor. 1:24.