Chêtze Mawi leh Zahna Thûk Tak Chuan Thinlung A Hneh

Thutak rawn hmutu nupuite chêtze mawi chuan an pasalte chu thutak pawm tûrin a ṭanpui fo va. Mahse, chutiang ni tûr chuan kum tam tak chhûng chhel taka an tawrh a ngai thei a ni. (1 Pet. 2:21-23; 3:1, 2) Dik lo taka thiltih i tuar a nih pawhin sual chu ṭhatnain ngam zawm zêl rawh. (Rom 12:21) I chêtze mawi chuan thu chauh hmanga neih theih loh rah ṭha a chhuah thei a ni.

I kawppui thlîr dân anga thil thlîr thiam tum rawh. (Phil. 2:3, 4) Khawngaihna leh lainatna lantîr la, nupui i nih anga i mawhphurhnate chu fak tlâka hlen tum rawh. Chu bâkah, ngaithlatu ṭha tak ni bawk rawh. (Jak. 1:19) Dawhtheihna nei la, i kawppui chu i hmangaih tih hrilh ṭhîn rawh. I kawppui chuan i lantîr ang ngilneihna leh zahna chu i chungah a lantîr ve lo a nih pawhin, Jehova’n i rinawmna chu a ngaihlu tih hriain hlimna i nei thei a ni.—1 Pet. 2:19, 20.

JEHOVA’N KAN PHURRITTE PHUR THEI TURIN MIN TICHAK TIH VIDEO EN HNUAH, A HNUAIA ZAWHNATE HI CHHANG ANG CHE:

• Grace Li-i pasal neih tirh lam nun chu eng ang nge ni?

• Engin nge Bible thutak lamah hîp?

• Engtin nge unaunu Li-i chuan baptisma a chan hnuah harsatnate a tawrh chhuah?

• Unaunu Li-i’n ṭawngṭainaah a pasal chungchâng eng nge a sawi?

• Unaunu Li-i chuan chêtze mawi leh zahna thûk tak a lantîr avângin eng malsâwmnate nge a dawn?