Kum Tina Neih Inkhâwmpuite—Hmangaihna Lantîr Theihna Hun Remchâng

Engvângin nge kum tina kan neih inkhâwmpuite chu nuam kan tih êm êm? Hmân lai Israel mite angin, tûn lai huna inkhâwmpuite chuan kan rinpui unau a za têl emaw, a sâng têl emawte nêna Pathian Jehova biak theihna hun remchâng min pêk ṭhin vâng a ni. Thlarau lam ruai ropui tak ṭheh chu nuam kan ti. Kan ṭhiante leh kan chhûngte nêna hun hlu tak kan hmangho thei chu kan ngaihlu hle bawk. Kan ngaihhlutna thûk tak chuan ni thum awh inkhâwmpuite kim taka tel tûrin min chêttîr.

Hetianga inhmuhkhâwmna hun remchâng kan neih hian, mi mala kan hlâwkpui theihna tûr lam ringawt ngaihtuah lovin, mi dangte chunga hmangaihna lantîr theih dân pawh kan ngaihtuah bawk tûr a ni. (Gal. 6:10; Heb. 10:24, 25) Kan unaute tâna kawngkhâr hawnsak te, a nih loh leh kan mamawh tâwk chauh ṭhutna kan hauhte hian, mi dangte kan ngaihsakzia kan lantîr tihna a ni. (Phil. 2:3, 4) Inkhâwmpuite chuan ṭhian thar siam theihna hun remchâng ṭha tak min pe. Inkhâwm hma te, inkhâwm bânah te, leh chhûn chawlh kan hman laite hian kan mi hriat lohte biak chu kan tum thei a ni. (2 Kor. 6:13) Hetiang huna inṭhianna kan siam hian chatuan a daih ang! A pawimawh ber chu, hmangaihna dik tak kan lantîr dân lo hmutute’n, Jehova rawng kan bâwlna min rawn zawm ve thei hi a ni.—Joh. 13:35.

“HMANGAIHNA A REH NGAI LO VANG”! INTERNATIONAL INKHAWMPUI, TIH VIDEO EN HNUAH A HNUAIA ZAWHNATE HI CHHANG ANG CHE:

• 

  Engtin nge kum 2019 international inkhâwmpui palaite chungah hmangaihna lantîr a nih?

• 

  Engvângin nge Jehova mite zînga inpumkhatna leh hmangaihna chu chhinchhiah tlâk tak a nih?

• 

  Governing Body member-te’n Kristian hmangaihna hmêl hmang engte nge an târ lan?

• 

  Engtin nge Kristian hmangaihnain Germany leh South Korea rama kan unaute a inpumkhattîr?

• Eng nge tih kan tum tlat ang?