Pathian leh Krista Zâra Neih Tûr Nakin Huna Zalênna

Nî tina harsatna i tawhte chu eng nge ni? Mawhphurhna tam tak nei chhûngkaw lû i ni em? Nupa kawp chawi loh chhûngkaw enkawltu i ni em? School-a ṭhiante nêksâwrna tâwktu ṭhalai i ni em? Hrisêlna ṭha lo, a nih loh leh kum upatna avânga harsatna tâwk i ni em? Kan vai hian harsatna kan tâwk ṭheuh va. Kristian tam takte chuan vawikhatah harsatna tam tak an tâwk a ni. Mahse, hêng harsatnate lak aṭang hian nakin lawkah kan zalên thuai dâwn tih kan hria.—2 Kor. 4:16-18.

Chumi hma chuan, Jehova’n kan harsatna tawhte a hre thiam tih te, kan rinawmna leh kan chhelna a ngaihlu tih te, leh malsâwmna nasa tak min pe dâwn tih hriatna aṭangtein thlamuana kan nei. (Jer. 29:11, 12) Isua pawhin a mi mal takin min ngaihsak ṭheuh va. Kan Kristian mawhphurhnate kan hlen hian,“in hnênah ka awm zêl ang,” tiin min tiam a ni. (Mt. 28:20) Nakin huna Pathian Ram rorêlna hnuaia zalênna kan dawn tûrte chhût nguna kan ngaihtuah hian, chu chuan tûna harsatna kan tawhte tuar chhuak thei tûra kan beiseina leh kan tum ruhna a tinghet a ni.—Rom 8:19-21.

THLIPUIIN A RAWN HNAIH HIAN ISUA CHU THLIR TLAT RAWH!—NAKINA LALRAM MALSAWMNATE, TIH VIDEO EN HNUAH A HNUAIA ZAWHNATE HI CHHANG ANG CHE:

• Engtin nge mihringte chu Pathian lak aṭanga ṭhen an nih a, chu chuan eng nghawng nge a neih?

• Jehova chunga rinawmte chu eng malsâwmnain nge hmuak?

• Engtin nge he hma lam hun duhawm tak hi kan neih theih ang?

• Khawvêl thara eng malsâwmnate nge i nghahhlelh?