Bible Zirpuite Chu Ṭhian Sual Kâwm Lo Tûrin Ṭanpui Rawh

Jehova nêna inṭhianna nei tûrin Bible zirpuite chuan ṭhian ṭha an thlang tûr a ni a. (Sâm 15:1, 4) Ṭhian ṭhate chuan thil dik ti tûrin anni chu a chêttîr ang.—Thuf. 13:20; lff zirlai 48.

I Bible zirpui chu ṭhian sual kâwm lo tûra i ṭanpui hunah hriatthiamna nei tak ni ang che. An khawvêl ṭhiante kawm tawh loh chu an tân a harsa thei a. Chuvângin, Bible i zirpui loh hunah pawh an chungah mi mal ngaihsakna lantîr ang che. Chutah chuan, SMS thawn te, phone-a biak te, a nih loh leh a khât tâwka va tlawhnate a tel thei a ni. I zirpuiin hma a sâwn zêl chuan Pathian mite nêna in inkhâwmnaah i telh ve thei a ni. Tichuan, an thil dawnte chu an chân tâkte aiin a tam zâwk a ni tih chiang takin an hmu thei dâwn a ni. (Mk. 10:29, 30) Jehova chhûngkua rawn ṭhang chho zêl i hmuhna aṭangin nang pawhin hlimna i hmu bawk ang.

I BIBLE ZIRPUI CHU ṬHIAN SUAL KAWM LO TURIN ṬANPUI RAWH TIH CHANCHAWP VIDEO EN HNUAH, A HNUAIA ZAWHNATE HI CHHANG ANG CHE:

• Ṭhian sual tih chu eng nge ni?—1 Kor. 15:33

• Eng angin nge Jade-i’n Kristian inkawmhona chu a mitthla?

• Engtin nge Neeta-i’n ṭhian sual kawm bânsan tûra Jade-i a ṭanpui?