Jehova leh Isua Chunga Rinna Neihtîr Nân Chatuanin I Hlim Thei! Tih Lehkhabu Chu Hmang Rawh

Pathian tilâwm tûrin Bible zirlaite chuan rinna nghet tak an neih chhoh a ngai a. (Heb. 11:6) Chatuanin I Hlim Thei! tih lehkhabu hmangin an thinlung kan thlen thei a ni. He lehkhabuah hian Bible châng pawimawh te, fiah taka chhûtpui dân te, zawhna ṭha tak te, mi chawk tho thei video te, leh lem mawi tak tak te a tel a. Bible zirlaite chu Kristian miziate leh Pathian nêna inlaichînna ṭha nei tûra ṭanpuiin, thil kâng thei lo hmangin an rinna in chu kan saksak a ni.—1 Kor. 3:12-15.

Mi ṭhenkhatin an hmuh theih loh Pathian ṭhian anga inmitthla chu harsa an ti a. Chuvângin Jehova hriaa, ring tûrin anni chu kan ṭanpui a ngai a ni.

“CHATUANIN I HLIM THEI!” TIH LEHKHABU HMANGIN JEHOVA CHUNGAH RINNA NGHET NEIHTIR RAWH TIH VIDEO EN HNUAH, A HNUAIA ZAWHNATE HI CHHANG ANG CHE:

• Engtin nge unaunu chu Bible zirna kaihruai tûrin ṭha takin a inbuatsaih tih kan hriat?

• Isaia 41:10, 13 chungchânga a Bible zirpui ngaihtuahna leh rilru vei zâwng phawrh chhuak tûrin engtin nge ngun taka thlan zawhna dangte a hman belh?

• Video leh Bible chângte chuan zirlai chungah eng nghawng nge a neih?

Mi tam takin tlanna an hre thiam lo, a nih loh leh chu chu Pathian thilpêk angin an thlîr lo va. (Gal. 2:20) Chuvângin, Isua tlanna inthawina ring tûrin anni chu kan ṭanpui a ngai a ni.

“CHATUANIN I HLIM THEI!” TIH LEHKHABU HMANGIN ISUA CHUNGAH RINNA NGHET NEIHTIR RAWH TIH VIDEO EN HNUAH, A HNUAIA ZAWHNATE HI CHHANG ANG CHE:

• Engtin nge unaupa chu Bible zirna kaihruai tûrin ṭha takin a inbuatsaih tih kan hriat?

• Engtin nge a zirpui ṭanpui tûrin “Hriat Belh Nân” tih chhûnga thu chu a hman?

• Engvângin nge zirlai tân ṭawngṭai chu thil pawimawh tak a nih?