Inbiak Dân Tûr Entîrnate Hman Dân

Inbiak dân tûr entîrnate buatsaih tûr hian unaute an thawkrim hle a, thuchhuahtu tam takin hêngte hi an bial chhûngah a hman tlâk hle tih an hria a ni. Amaherawh chu khawvêl pumah dinhmunte a inan loh avângin thuchhuahtute chuan an rawngbâwlnaah tih dân dang an hmang thei a, a nih loh leh tualchhûnga mite ngaihven tûr thu dang an sawi thei bawk. Mahse, mi tinin special campaign atâna kaihhruainate chu an zâwm tûr a ni. Kan tum ber chu Ram chanchin ṭha hril tûra Isua thupêk tihfamkim hi a ni.—Mt. 24:14.

Zirlai chanvo an dawn hunah, thuchhuahtute chuan Nun leh Rawngbâwlna Inzirna Lehkhabu-a inbiak dân tûr entîrnaa thu chu an sawi tûr a ni a. Mahse, kaihhruaina dang a awm a nih loh chuan tualchhûng rawngbâwlna biala nghawng ṭha tak nei tûr zawhna, Bible châng, thlun zawmna, a nih loh leh a tih dân tûr chu a dang an hmang thei ang. Hei hi June 2020 inzirna lehkhabu phêk 8-naa lang kaihhruaina siamremna a ni.