Jehova’n I Ṭawngṭaina A Chhân Dân Hmuh I Tum Em?

Bible hi Jehova’n ṭawngṭainate a chhân dân entîrnain a khat a. Pathian chhiahhlawhte’n an ṭawngṭaina Jehova’n a ngaihthlâk dân leh anmahni a ṭanpui dân an hmuh hian an rinna a chak lehzual tih kan chiang thei a. Chuvângin, kan mi mal ṭawngṭainaahte chuan dîl bîk kan neih leh Jehova’n min chhân dân hmuh tum chu thil ṭha tak a ni. Ani chuan kan dîl loh ang, a nih loh leh kan dîl aia nasa zâwkin min chhâng thei tih hre reng ang che. (2 Kor. 12:7-9; Eph. 3:20) Jehova’n kan dîlnate chhân nân eng nge min pêk mai theih?

• Harsatna hmachhawn thei tûra tisa lam, rilru lam, leh thlarau lama chakna.—Phil. 4:13

• Thu tlûkna ṭha siam tûra finna.—Jak. 1:5

• Thil eng emaw ti tûra chakna leh thiltihtheihna.—Phil. 2:13

• Mangan laia rilru hahdamna.—Phil. 4:6, 7

• Mi dangte hnên aṭanga tisa lam leh rilru lama ṭanpuina.—1 Joh. 3:17, 18

• Kan ṭawngṭaisakte tâna ṭanpuina.—Tirh. 12:5, 11

JEHOVA CHU “ṬAWNGṬAINA NGAITHLATU” A NI TIH VIDEO EN HNUAH, A HNUAIA ZAWHNATE HI CHHANG ANG CHE:

• Hrisêl lohna avânga kan theihnain chin tâwk a nei a nih chuan engtin nge unau Shimizu-a thiltawn hian min tihchak theih?

• Engtin nge unau Shimizu-a kan entawn theih?