Hmeichhe Huaisen Pahnih

ISRAEL-MITEN buaina an tawhin Jehova an au va. Anmahni puitu tur hruaitu huaisen pein Jehovan a chhang thin a. Bible-in chung hruaitute chu roreltute a vuah a. Josua chu roreltu hmasa ber a ni a, tin a hnua roreltu thenkhatte chu Othniela, Ehuda leh Shamgara an ni. Mahse Israel tanpuitu mipuite zinga pahnih chu hmeichhla, Debori leh Jaeli an m.

Debori chu zawlnei a ni a. Jehovan nakin lam chanchin thu a hriattir a, Jehova sawi chu mipui a hrilh leh a. Debori chu roreltu a ni bawk. Tlang rama tum thing engemaw hnuaiah a thu a, mipuite chu an harsatnaa lo tanpui turin a hnenah an lo kal thin a.

Chutih lai chuan Jabina chu Kanaan-a lal a ni. Raldona lir 900 a nei a. A sipai ruai chu an chak khawp a, Israemite tam tak Jabina chhlahhlawh nih luihtir an ni. Lalber Jabina sipai ruai hotu chu Sisera a ni a.

Ni khat chu Deborin Roreltu Baraka a ko va, a hnenah: ‘Jehovan mi 100,000 kalpui la, Tabor Tlangah hruai rawh. Chutah chuan i hnenah Sisera ka rawn hruai ang e. Tin amah leh a sipai rual chungah hnehna ka pe ang che,“ a ti,’ tiin a hrilh a.

Baraka chuan: ‘Nang pawh ka hnena i kal dawn chuan ka kal ang,’ a ti a. Debori chu a kal ve a, mahse Baraka hnenah: Jehovan Sisera chu hmeichhe kutah a pek dawn vangin hnehna chu i hmingthatpui lo vang,’ a ti a. Tin hetiang hi a lo ni a.

Sisera sipaite tawk turin Tabor Tlang atangin Baraka a chhuk a. Jehovan tui a lentir thut a, hmelma sipai tam tak tuiah an tla a. Mahse Sisera chu a tawlailir atangin a chhuk a, a tlan bo ta a.

Rei lo deuhvah Siseran Jaeli puan in a thleng a. Jaelin a ko lut a, bawnghnute a pe a. Chu chuan a mut a tichhuak a, a muhil bet ta thuai a. Tin Jaeli chuan puan in kilhna zum a la a, mipa tha lo lu-ah chuan a kheng lut ta a. A hnuah Baraka lo kalin Sisera thi tawh chu a hmuhtir a. Tichuan Debori sawi chu a thleng dik tih i hre thei.

A tawpah Lalber Jabina pawh tihhlum a ni a, tichuan Israel-mite chuan muanna an nei leh ta rih a.