Zirlai 1

Pathian Thil Phûtte I Hmuh Chhuah Theih Dân

Eng thu pawimawh tak nge Bible-ah chuang? (1)

Bible ziaktu hi tunge ni? (2)

Engvângin nge Bible i zir ang? (3)

1. Bible hi Pathian thilpêk hlu tak a ni a. Pain a ngainat tak a fate hnêna a ziah lehkha thawn ang a ni. Pathian chungchâng thudik​—⁠a nihna leh a tehnate⁠—⁠min hrilh a. Buaina hmachhawn dân leh hlimna dik tak hmuh theih dânte min hrilhfiah bawk a. Tin, Bible chauh hian Pathian tihlâwm nâna kan tih tûr chu min hrilh a ni.​—⁠Sâm 1:​1-3; Isaia 48:​17, 18.

2. Bible hi mi chi hrang hrang 40 vêlin B.C.E. 1513 aṭanga inṭanin, kum 1,600 chhûng an ziak a.a Lehkhabu tê bu 66 infinkhâwm hmanga siam a ni. Chûng Bible ziaktute chu Pathian thlarauva thâwk khum an ni a. An ngaihtuahna ni lovin, Pathian ngaihtuahna an ziak zâwk a ni. Chuvângin, Bible Ziaktu chu lei mihringte ni lovin, vân Pathian hi a ni.​—⁠2 Timothea 3:​16, 17; 2 Petera 1:​20, 21.

3. Pathian endikna hnuaiah Bible hi dik taka ziak chhâwn leh vawn ṭhat a ni a. Lehkhabu dang zawng zawng aiin, chhut chhuah hnem zâwk a ni. Bible i zir an hmuh chuan, mi an lâwm vek kher lo vang; mahse, chu chuan tawptîr che suh se. I chatuan hmabâk chu Pathian i hriatna leh dodâlna kâra a duhzâwng i tihnaah a innghat tlat si a.​—⁠Matthaia 5:​10-12; Johana 17:⁠3.

[Footnote]