Pathian Chungchâng I Zir A Ngai

Pathian ṭhian ni tûr chuan, a chungchâng i zir a ngai a. I ṭhiante’n i hming an hriain, an hmang ṭhîn em? An hmang ngei ang. Pathian pawhin a hming hre tûr leh hmang tûrin a duh che a. Pathian hming chu Jehova a ni. (Sâm 83:​18; Matthaia 6:⁠9) A duhzâwng leh duh lohzâwngte pawh i zir tûr a ni bawk. A ṭhiante leh a hmêlmate pawh i hriat a ngai a ni. Tuemaw hre tûrin hun pêk a ngai a. Bible chuan Jehova chungchâng zir nâna hun insiam chu a finthlâk a ti.​—⁠Ephesi 5:​15, 16.

Pathian ṭhiante chuan a lâwmzâwng an ti ṭhîn. I ṭhiante chungchâng han ngaihtuah teh. Ṭha lo taka i cheibâwl a, an huatzâwng hlîr i tih chuan, i thian an la ni zêl ang em? An ni lo rêng rêng ang! Chutiang bawkin, Pathian ṭhian nih i duh chuan a lâwmzâwng i tih a ngai a ni.​—⁠Johana 4:24.

Sakhaw nazawng hian Pathian ṭhianah min siam lo. Pathian ṭhian hnai ber, Isua chuan kawng pahnih chungchâng a sawi a. Kawng khat chu a zauvin, chuta kal pawh an tam hle a. Chu kawng chu boralna kawng a ni. Kawng dang chu a zîmin chuta kal pawh an tlêm hle a. Chu kawng chu chatuana nunna kawng a ni. Chu mi awmzia chu Pathian ṭhian i nih duh chuan, amah biak dân dik i zir a ngai tihna a ni.​—⁠Matthaia 7:​13, 14.