Jehova Tlângah Chho R’u

1. Dâk chhuakin hawi chho r’u,

Hla taka tlâng sâng chungah;

A awm Jehova tlâng chu,

Chawisân a ni tûnah;

Tuipuirâl aṭangin,

Mipuite an lo kal khâwm;

Thuâwiha rawngbâwl tûrin,

Mite an inko khâwm;

A thleng ta tûnah hian,

Hnam tlêm pawh chak tak an nih hun chu;

Kan hlawhtlingin kan pung,

Pathian kaihhruai leh malsâwm kan dawng;

Mipuite’n an rawn pan,

A lalchungnunna pawmin;

An tiam a hnênah rinawm,

Kalsan ngai lo tûrin.

2. Lal Isua’n thu min pe,

Kal chhuaka thu hril tûrin;

Mi tin hnênah a thleng ta,

Lalram chanchin ṭha chu;

Krista’n mite a sâwm,

A rorêlna ṭan tûrin;

Pathian Thuin kaihruai se,

Rilru ṭha leh tlâwmte;

Hlim leh lâwmin kan awm,

Mipui tam tak an pun zêl vângin;

Mi tinte puihnaah,

Theih tâwp chhuahin kan tel lungrualin;

Auvin i sâwm ang u,

Mi zawng zawng hriat theih tûrin;

‘Chho r’u, Jehova tlângah,

Chatuana awm tûrin.’