Lalram Chanchin Ṭha Hril Zêl Rawh U!

1. Lalram chanchin ṭha hril zêl rawh u,

Hnam tin chi tinte hnênah;

Thinlung dik tak nei inngaitlâwmte,

Kan pui hmangaihna zârah;

Kan dawng rawngbâwlna chanvo ropui,

Hlim leh lâwm takin kan hril ang;

Pathian hming thianghlim hriattîr tûrin,

Chhûn zân zawmin kan hril zêl ang.

2. Krista roluahpui unaute nên,

Kan pên ang pheikhai rualin;

Kan kal Kristian unau zawng zawng nên,

Lung ruala hma lam panin;

Lo thleng tûr Pathian Lalram chanchin,

Mi zawng zawngte hnênah kan hril;

Jehova rawng kan bâwl huai takin,

A chakna rinchhanin kan hril!