Rinawm Zêlin

1. Rinawm takin kan awm zêl ang,

Lalpa Jehova chungah;

Hriat ngei kan duh a thupêkte,

Rinawm reng kan tum vângin;

A zilhhauna thu zawmna chuan,

Hlawhchhamna min thlen ngai lo’ng;

Kan rinchhan thei, a rinawm reng,

A lamah kan ṭang reng ang.

2. Rinawm takin kan ṭanpui ang,

Buaina tâwk unaute chu;

Kan ṭawngkam leh thiltih hmangin,

Ngaihsakna kan lantîr ang;

Chawimawina in hlân tawn zêlin,

Thinlunga inzah tawnin;

Inpumkhata rinawm zêlin,

Insuih khâwma lungrualin.

3. Rinawm takin i zâwm ang u,

Lalpa ruat upate thu;

Kaihhruainate min pêk hun chuan,

Rinawmin i zui ang u;

Jehova’n chakna min pe ang,

A malsâwmna kan dawng ang;

Rinawm taka kan awm zêl chuan,

Jehova ta kan ni ang.