ZIRLAI 4

Bible Chângte Ṭha Taka Hmêlhriattîr

Matthaia 22:41-45

KHAIKHAWMNA: Bible châng i chhiar hmain ngaithlatute rilru chu buatsaih rawh.

Bible châng i chhiar chhan ngaihtuah rawh. Bible chânga i târ lan duh thu pawimawh laite ngaihventîr thei tûr zâwngin Bible chângte chu hmêlhriattîr ang che.

I Bible châng chhiar a chung leh hnuaia thute chu ngaihtuah tel rawh. A sawitu leh a ziaktu hming i sawi lan hunah, a dik ngei a ni tih chian ang che.
Bible chu thuneituah hmang rawh. Pathian ringtute hnêna thu i sawi hunah, Bible chu Pathian Thu a nihzia sawi lang la; chutiang chuan, finna lo chhuahna hnâr ṭha ber a nihzia i lantîr a ni ang.
Bible ngaihven tûrin chawk tho rawh. Bible chângin a chhân tûr zawhna pakhat, Bible chângin a chinfel tûr buaina pakhat, a nih loh leh Bible thuin a târ lan thu bul pakhat chu sawi ang che.

I thusawi leh Bible châng i hmante chungchânga ngaithlatute lo hriat tawhte chu ngaihtuah rawh. Bible châng hriat tawhsa pawh ni se, ngaithlatute ngaihven theih tûr zâwngin hmêlhriattîr la, thlîr dân thara thlîr thiam tûrin ṭanpui rawh.