ZIRLAI 33
Lalramin A Hlen Chhuah Tûrte
Pathian Ramin ro a rêl ṭan tawh a. Rei lo têah leiah hian inthlâk danglamna lian tak a rawn thlentîr ang. Lalram rorêlna hnuaia i beisei theih thil ṭha ṭhenkhat chu lo ngaihtuah ta i la.
1. Engtin nge Pathian Ramin he leiah hian remna leh rorêlna dik a awmtîr leh ang?
Pathian Rama Lalber, Isua chuan mi suaksualte leh sawrkârte chu Armageddon indonaah a tiboral ang. (Thu Puan 16:14, 16) Chumi hunah chuan, he Bible hrilh lâwkna hi a thleng famkim tawh ang: “Rei lo tê achinah mi suaksual chu a awm tawh dâwn si lo,” tih hi. (Sâm 37:10) Isua chuan Lalram hmangin leiah rorêlna dik leh remna a lêntîr ang.—Isaia 11:4 chhiar rawh.
2. Pathian duh zâwng leia tih a nih huna nun chu eng ang nge ni ang?
Pathian Ram rorêlna hnuaiah, “mi felte chuan ram hi an luah ang a, a chhûngah hian kumkhuain an awm ang.” (Sâm 37:29) Leia awm zawng zawngte chu mi fel vek an nih a, Jehova an hmangaihin anmahni pawh an inhmangaih tawn vek huna nung angin han inmitthla teh! Dam lo an awm tawh lo vang a, mi tinte chu chatuanin an nung tawh ang.
3. Mi suaksualte tihboral an nih hnuah Pathian Ram chuan eng nge a tih ang?
Mi suaksualte tihboral an nih hnuah, Isua chuan kum 1,000 chhûng ro a rêl ang. Chumi hun chhûng chuan, Isua leh a rorêlpui mi 1,44,000-te chuan leia mihringte hi sual nei lo, mi ṭha famkim ni chho tûrin an ṭanpui ang. Kum sâng rorêl tâwpah chuan, lei chu Paradis mawi takah chantîr a ni tawh ang a, Jehova dânte an zawm avânga mi hlim taktein a khat tawh ang. A hnuah Isua chuan a Pa Jehova hnênah a Lalna chu a pe kîr leh ang. Chutih hunah chuan tûn hma zawng aia nasain Jehova hming chu a “zahawm,” a nih loh leh tihthianghlim a ni tawh ang. (Matthaia 6:9, 10) Jehova chu a khua leh tuite ngaihsaktu Rorêltu ṭha tak a nihzia finfiah a ni tawh bawk ang. Chutah Jehova chuan Setana leh a ramhuaite bâkah, A rorêlna dova hel thlangtu zawng zawngte chu a tiboral ang a. (Thu Puan 20:7-10) Pathian Ramin a rawn thlen dinhmun ṭha famkim erawh chuan chatuan a daih ang.
ZIR BELHIN HMUH BELH RAWH
Pathianin nakin hun atâna Bible thutiam zawng zawng tihfamkim nân Lalram a hmang ang tih kan rin theih chhan ngaihtuah rawh.
4. Pathian Ram chuan mihring sawrkârte a titâwp ang
“Mi, mi dang chungah pawi khawpin a intilal ṭhîn.” (Thuhriltu 8:9) Jehova chuan a Lalram hmangin he rorêlna dik lo hi a sût lêt ang.
Daniela 2:44 leh 2 Thessalonika 1:6-8 chhiarin, hêng zawhnate hi sawiho vang che u:
Engtin nge Jehova leh a Fapa, Isua chuan mihring sawrkârte leh anmahni thlâwptute chu an tih ang?
Engtin nge Jehova leh Isua chungchâng i zir tawhte chuan an thiltihte chu a dikin a fel dâwn a ni tih a rinnghehtîr che?
5. Isua chu Lal ṭha ber a ni
Pathian Rama Lalber a nih angin, Isua chuan lei lama a khua leh tuite tân thil tam tak a tihsak dâwn a ni. Isua’n mite ṭanpui duhna leh ṭanpui tûra Pathian pêk thiltihtheihna a nei tih târ langtu VIDEO chu chhuah rawh.
Isua chuan leia a awm lai khân Lalramin a hlên chhuah tûr thilte chu a lo entîr lâwk a. Malsâwmna ziak chhuahte zîngah a eng ber hi nge i nghahhlelh bîk? Chûng malsâwmnate nêna inkungkaih Bible châng pêkte chu chhiar rawh.
ISUA’N LEIA A AWM LAIIN . . . |
ISUA’N VAN AṬANGIN . . . |
|---|---|
|
|
|
|
|
|
|
|
6. Pathian Ram chuan nakin hun ṭha tak a thlen ang
Lalram chuan atîra Jehova’n mihringte tâna a thiltum chu a hlen chhuak vek ang a. Lei paradis-ah chatuanin an nung tawh ang. Jehova’n a Fapa Isua hmanga A thiltumte a hlen chhuah dân tûr hriat nân VIDEO chu chhuah rawh.
Sâm 145:16 chhiarin, he zawhna hi sawiho vang che u:
Jehova’n “thil nung zawng zawng châkna chu a tihrehsak” ang tih i hriatna chuan engtin nge a awmtîr che?
MI ṬHEN KHAT SAWI DAN: “Kan ṭan rual chuan khawvêl buainate hi kan chingfel thei ang.”
Pathian Ram chuan mihring sawrkârte chinfel theih loh eng buainate nge a chinfel dâwn?
KHAIKHAWMNA
Pathian Ram chuan a thiltum a hlen chhuak ang. Lei pumpui hi chatuana Jehova betu tûr mi ṭhatea khat paradis-ah a chantîr dâwn a ni.
Ennawna
Engtin nge Lalram chuan Jehova hming a tihthianghlim ang?
Engvângin nge Pathian Ramin Bible thu tiamte a thlen famkimtîr ang tih kan rin theih?
Lalramin a hlen chhuah tûrte zîngah eng nge i nghahhlelh ber?
HRIAT BELH NAN
Armageddon nihna chu hre rawh.
Isua’n “hrehawm nasa tak” tia a sawi hun chhûnga thil thleng tûrte chu bih chiang rawh.—Matthaia 24:21.
Chhûngkuate’n nakina Lalram malsâwmnate an mitthlaho theih dân en rawh.
“Min Tibuaitu Zawhna Tam Tak Ka Nei,” tih thuziaka politics lam thila hel hmang pakhatin a sutkianna a hmuh dân chhiar rawh.