Isua Krista A Thu Hrilin Nghawng A Neih Thui Dân

“Kapernaum khaw chhuak mi fing tiropuitu ber chu mite rilru leh thinlung a la thunun zêl theihna hi a ni.”a—AUTHOR GREGG EASTERBROOK.

ṬAWNGKAM chhuak thute hian thil a tithei hle ṭhîn a. Ṭha taka thlan finna thute chuan thinlung a khawih theiin, beiseina a pe thei a, nun a thlâk danglam thei bawk. Isua Krista aia thusawi kawnga thiltithei zâwk tumah an awm lo. Tlâng Chunga Thusawi tia hriat lâr, Isua thusawi ngaithlatute zînga pakhat chuan a hnuah heti hian a ziak a ni: “Isuan chûng thu chu a sawi zawh veleh, mipuiten a thu zirtîr chu mak an ti hle a,” tiin.—Matthaia 7:28.

Tûn thleng hian Isua thu sawi tam tak chu khawvêl pum puia mite’n an la hre lâr hle a ni. Chûng zînga awmze thûk tak nei ṭhenkhat chu lo en ta ila.

“Pathian leh sum rawng in bâwl kawp thei lo.”—Matthaia 6:24.

“Chutichuan, thil engkim miin in chunga an tiha in duh tûr ang apiang chu, mi chungah pawh ti ve rawh u.”—Matthaia 7:12.

“Kaisara thilte chu kaisara hnênah pe ula, Pathian thilte chu Pathian hnênah pe ta che u.”—Matthaia 22:21.

“Englo lâk aiin pêkin lukhâwng a nei zâwk.”—Tirhkohte 20:35.

Mahse, Isua chuan thu hriat reng tlâk a sawi mai a ni lo. A thu hril chuan Pathian chungchânga thu dik a târ lan a, mite hnêna nun awmze dik tak hmuh dân a zirtîr a, mihringte hrehawm tawrhna zawng zawng tihrehna—Pathian Ram—chungchâng chiang taka a târ lan avângin thil a tithei a ni. Chu a thu hril chungchâng chu a dawta thuziaka kan bih chian hunah, Isua’n mi maktaduai tam takte “rilru leh thinlung a la thunun” zêl chhan kan hmu ang. (w10-E  04/01)

[Footnote]