October Thlaah Bible Zirpui I Nei Ṭan Ang Em?
1. October thlaa kan pêk chhuah tûr chu eng nge ni?
1 October thlaa pêk chhuah tûr chu Vênnainsâng leh Awake! magazine-te a ni a. Tuina neite bawhzui nâna Thutak Hriat I Duh Em? tih tract sem tûr leh Bible zirpui ṭan tum tûra fuih kan ni. Chu chu kan tlawhkîr hunah engtin nge kan tih theih ang?
2. Magazine kan pêkte kan tlawhkîr huna Bible kan zirpui theih nân engtin nge Thutak Hriat I Duh Em? tih tract chu kan hman ang?
2 Tract Hman Dân Tûr: In neituin a ngaihven tih kan hriat hnu chuan: “Magazine ka hnutchhiah che khân mi tinrêng leh sakhaw tinrêng vuantute chu Bible bih chiang tûrin a fuih a. [Thutak Hriat I Duh em? tih tract in neitu hnênah pe la, a phêk ṭan tirha zawhna chuangte chu kawhhmuh rawh.] Hetah hian Bible-in chhânna lungâwithlâk tak a pêk zawhna rilru la tak ṭhenkhat a chuang a ni. Heng zînga a engemaw tal hi i inzâwt tawh ngai em? A chhânna hriat i duh ang em?” tiin kan sawi thei ang. In neitu chhânna i dawn hnu chuan, a zawhna siamte zînga pakhat chu tract aṭangin a chhânna sawipui la, Bible châng târ lan zînga pakhat chu chhiarsak rawh. Tichuan, hei hi Bible zirtîrte zînga entîrna pakhat mai a nih thu hrilhfiah pahin, Bible Zirtirna tih lehkhabu chu pe ang che. Tichuan, a chhûnga thu awmte zînga a thlan chhuah thuziak paragraph hmasa lam chu kan sawipui thei a ni. A nih loh leh tract aṭanga kan thusawi lai chungchâng hmuh belh theihna hmun chu keuvin kan sawipui thei bawk ang. Hetah hian chutiang hmuh belh theihna hmun chu târ lan a ni:
● Pathianin min ngaihsak tak zet em? (pp.9-11, par. 6-10)
● Indona leh hrehawm tawrhna a tâwp ngai ang em? (p. 12, par. 12-13)
● Kan thih hian khawi lam nge kan pan? (pp. 59-60, par. 7-8)
● Mitthite tân beisei tûr engemaw tal a awm em? (p. 71, par. 13-15)
● Pathian ngaihthlâksak ni tûrin engtin nge ka ṭawngṭai theih ang? (pp. 166-167, par. 5-8)
● Engtin nge hlimna dik tak ka neih theih ang? (p. 9, par. 4-5)
3. Engtin nge dinhmun azirin kan tih dân kan siam rem theih?
3 Tlawhkîr hmasak ber ṭumah Bible Zirtirna tih lehkhabu aṭanga Bible zirpui dân kan entîr thei lo a nih pawhin, tlawhkîra kan inbiakna chhunzawm zêl tûrin ruahmanna kan siam thei a ni. In neitu tuina lantîr dân azirin, lehkhabu kan hmêlhriattîr hma pawhin vawi engemaw zât kan tlawhkîr thei a, tract-a zawhna chuang pakhat aia tam sawipui chu kan titlu thei ang. Mi chi tinrêngte Pathian thu sawipui ṭhîn kan nih avângin, fing thiam tak leh remhre tak kan nih a ngai lehzual a ni. October thla chhûng hian he tract ṭangkai tak mai hi Bible zirpui ṭan nân leh mi rilru ṭha pute ‘thutak hre’ tûra ṭanpui nân i hmang ṭangkai ang u.—Joh. 8:31, 32.