Thusawi Dân Tûr Entîrna

May Thla Inrinni Hmasa Bera Bible Zirna Neih Ṭanna Tûr

“Kan zavaiin nun awmze nei tak neia hlim taka awm chu kan duh ṭheuh va. Pathian biakna dik chuan hlimna a thlen a ni tih i pawm em? [A chhânna nghâk la. In neitu rem tih leh tih loh zâwt la, rem a tih chuan Matthaia 5:3 chhiar rawh.] He magazine hian Pathian kan biak dânin A rilru a khawih dân a sawi a ni.” In neituin a ngaihven chuan Vênnainsâng May 1 chu pein, phêk 24-naa thupui tê hmasa ber hnuaia thu awmte chu sawipui la, Bible châng târ lan pakhat tal chu chhiarin sawipui bawk ang che. Magazine chu pe la, a dawta zawhna awm chu sawiho leh tûra tlawhkîr tûrin ruahmanna siam rawh.

Vênnainsâng May 1

“Isua chungchângah ngaih dân tam tak a awm a. Mi ṭhenkhat chuan Pathian tirh a nih an ring a. Ṭhenkhat lah chuan mi ṭha pângngai ve mai niin an thlîr a ni. Mi dang lehte erawh chuan hmân laia mi awm tak tak a nih pawh an ring lo hial bawk. Nang eng nge i ngaih ve dân? [A chhânna nghâk rawh. In neituin, he thu sawiho rem a tih chuan sawi zawm ang che.] Isua chungchânga thu dik tak hriat a pawimawhzia Bible sawi dân ka’n hmuhtîr thei che ang em? [In neituin rem a tih chuan Johana 17:3 chhiar rawh.] He magazine-ah hian Isua chungchânga zawhna lâr tak ṭhenkhatte chhânna a chuang a ni.”