Kan Official Web Site—I Rawngbâwlnaah Hmang Rawh
Mite Chu Kan Web Site Hmang Tûrin Fuih Rawh: Min be hreh a, thu leh hla chhuah dawng hrehte chuan in lama jw.org aṭanga Jehova Thuhretute chanchin chîk duhna an nei a. Chuvângin, a remchân apiangah kan Web site chungchâng hi mi dangte hnênah hrilh ang che.
Zawhnate Chhânna: A châng chuan in neitute, tuina neite, leh hmêlhriatte chuan kan thurin leh Jehova Thuhretute chungchângah zawhna an zâwt thei a. A chhânna chu mobile emaw, computer emaw aṭangin hmuhtîr nghâl rawh. Bible châng târ lante Bible aṭang ngeia chhiar chu a ṭha ber fo. Internet entîrna tûr i nei lo a nih chuan, mahnia jw.org hmanga chhânna a zawn hmuh theih dân tûr chu hrilh rawh.—“Bible Teachings/Bible Questions Answered,” or “About Us/Frequently Asked Questions” tihah lût rawh.
Thuziak leh Thuchhuahte Chu I Mi Hriat Tuemaw Hnênah Thawn Rawh: Download tawh sa PDF a nih loh leh EPUB chu e mail-ah attach-in a thawn theih a. A nih loh leh, thu leh hla chhiar chhuah chu download-in CD-a dah theih a ni. Baptisma chang lo tuemaw hnêna lehkhabu, brochure, a nih loh leh magazine soft copy a bu puma i pêkte chu sem chhuah angin i report thei ang. Thuziakte chu kan hriat chian lohte hnênah emaw, tam takin emaw kan thawn tûr a ni lo va. Internet Web site dangah kan upload tûr a ni hek lo.—“Publications”-ah lût rawh.
Jehova Thuhretute Chanchin Thar Ber Chu Hmuhtîr Rawh: Chu chuan Bible zirlaite leh i mi tlawhte chu khawvêl puma kan rawngbâwlna leh kan Kristian inpumkhatna hlut tûrin a ṭanpui ang. (Sâm 133:1)—“News”-ah lût rawh.
[Phêk 5-naa milem]
(For fully formatted text, see publication)
Tichhin Rawh
1 “Publications” tih hnuaiah i download duhte chu zawng la, thuziak emaw, a chhiara chhiar i duhzâwng emawah chuan click rawh.
2 A chhiara chhiar thuziakte i hmuh theih nân, MP3-ah click la. Download tûrin thuziak thupuiah click la, ngaithla tûrin -ah click ang che.
3 Ṭawng danga thu leh hla chhuahte i download duh a nih chuan, he mi list aṭangin chu mi ṭawng chu thlang ang che.