Thusawi Dan Tûr Entîrna

May Thla Inrinni Hmasa Bera Bible Zirna Neih Ṭanna Tûr

“Thil pakhat inanna kan neih chu kan vaia thil kan tisual ṭheuh hi a ni. Pathian hian thil sual tihna râpthlâk tak takte pawh a ngaihdam thei ang em, tiin i ngaihtuah tawh ngai em? [A chhânna nghâk rawh.] May 1 Vênnainsâng phêk 15-na thuziak entîr la, paragraph pakhatna leh chuta târ lan Bible châng pakhat tal chu sawipui ang che. Magazine chu pe la, a dawta zawhna awm chu sawiho leh tûra tlawhkîr tûrin ruahmanna siam rawh.”

Vênnainsâng May 1

“He mi chungchânga i ngaih dân hriat ka duh a. [1 Johana 4:8 chhiar rawh.] He thuziak hi mi tam tak chuan an pawm a, mahse, mi dangte chuan Pathian chu leilung chhiatna awmtîrtu, a nih loh vêk leh a thlen remtitu a nih avânga nunrâwng ngei tûrin an ngai a ni. Eng nge i ngaih ve dân? [A chhânna nghâk rawh.] He magazine hian Pathian chu nunrâwng tak anga dik lo taka kan puh tûr a nih loh chhan a târ lang a ni.”