Thusawi Dân Tûr Entîrnate

June Thla Inrinni Hmasa Bera Bible Zirna Neih Ṭanna Tûr

“Kan mi biak tin deuhthaw chuan khawvêl remna hmuh an duh thu an sawi a. Mahse, indonate chu a la awm reng si a. Engvânga khawvêl remna hi dai zo ta nge a nih, eng nge i ngaih dân?” A chhânna nghâk rawh. Chutah, in neituin rem a tih chuan, June 1 chhuak Vênnainsâng hnung lam chu hmuh la, zawhna hmasa ber hnuaia thu awmte leh Bible châng târ lan pakhat tal chu sawipui ang che. Magazine chu pe la, a dawta zawhna awm sawipui leh tûra tlawhkîr tûrin ruahmanna siam bawk rawh.

Chhinchhiah tûr: He thusawi dân hi June 1 thu hrilh rawngbâwlna atâna inkhâwmah entîr tûr a ni.

Vênnainsâng June 1

“Buaina tlângpui kan tawh chungchâng sawi tûrin vêngchhûngah hian rei lo tê tê kan lêng a. Mi tam tak chuan vawikhat tal chu inpâwng huatna an tuar tawh ngai a ni. Khawvêl khawi lai hmun emawah hian inpâwng huatna awm lohna hmun a awm i ring em? [A chhânna nghâk rawh.] Pathianin mi zawng zawng a thlîr dân hi lo chhinchhiah ang che. [Tirhkohte 10:34 chhiar rawh.] He magazine hian Pathianin inpâwng huatna a tihtâwp hlen dân tûr a sawi a ni.”