Thupui Pakhat Chauh Sawipui Rawh

Kan magazine-ahte chuan thupui chi hrang hrang ngaihvenawm tak tak a tel a. In tinah thupui tam tak sawipui tum ai chuan, pakhat chauh sawipui chu a ṭha tlângpui a ni. Thil chîk tak kan nih a, magazine chhûnga thu awmte kan hriat bel chuan in neitu ngaihven tûr zâwng Vênnainsâng-a thu awm engemaw chu kan thlang thei a ni. Entîr nân, in bul vêlah emaw, a chhûngah emaw naupang inkhelhna kan hmuh chuan, chhûngkaw chungchâng thuziak sawi lan chu kan thlang thei a. Mipain kawngkâ a rawn hawng a nih chuan, sawrkâr ṭha tih ang chi mipate ngaihven tûr zâwng sawipui chu kan tum thei a ni.