Inrinni Hmasa Bera Bible Zirpui Neih Ṭan Chu Sawi Uar Rawh

Kum 2011 May thla ṭantîr aṭang khân, thuchhuahtute chu thla tinin Inrinni hmasa bera Bible zirpui neih ṭan tum ṭheuh tûra fuih an ni a. Chutianga ti thei tûra min ṭanpui tûrin Public Edition atâna chhuah Vênnainsâng thuziakah chuan “Bible Ṭanchhan Zawhnate Chhânna,” tih chu a awm a. Chuvângin, Inrinni hmasa bera thlawhhma rawngbâwlna atâna inkhâwmnaah Bible zirpui neih ṭan nâna he thuziak kan hman theih dân târ lang la, lemchanin entîr bawk ang che.

Upate chuan thlawhhma rawngbâwlna group tinte’n mahni group ṭheuhva neih emaw, group-te chu infinkhâwma Kingdom Hall-a neihho emaw an thlang thei a ni. Mahse, Kingdom Hall pakhat chu kohhran tam takin an inhman ṭâwm chuan, eng kohhran mahin thlawhhma rawngbâwlna inkhâwm neihho a nih theih nâna Bible zirpui neih ṭanna he ni pawimawh tak hi ni dangah a sawn tûr a ni lo.