Thusawi Dân Tûr Entîrna

Lalram Chanchin Thar No. 38-na

“He thuchah pawimawh tak semna campaign khawvêl puma neihah hian ka tel ve a. Hei hi i ta tûr a ni e.”

Chhinchhiah tûr: Thu hrilhna bial hrût chhuak thei tûrin tawi têin sawi ang che. Mahse, in neituin tuina tak tak a lantîrin, inbiak a duh mai thei a. Chutiang a nih chuan, phêk ṭan tîra zawhna chungchângah a ngaih dân i zâwt thei a, a chhûnga târ lan Bible chhânna chu chhiarsakin, hun awm dân a zirin tarct chhûnga thu ṭhenkhatte chu i sawipui thei a ni. I chhuahsan hmain, a hnung lama “Ngaihtuah Tûr” zawhna chu hmuh la, chu mi sawiho tûra tlawhkîr leh tûrin ruahmanna siam bawk ang che.

December Thla Inrinni Hmasa Bera Bible Zirpui Neih Ṭanna Tûr

“Mi tam tak chuan mi sualte leia an awm reng an ring a. Anni chu lei a ta tihboral an nih i ring em?” A chhânna nghâk rawh. December 1, Vênnainsâng hnung lam chu hmuh la, zawhna pahnihna hnuaia thute chu sawipuiin, Bible châng pakhat tal chhiarsak ang che. Magazine chu pe la, zawhna dangte sawipui tûra tlawhkîr leh tûrin ruahmanna siam bawk rawh.

Vênnainsâng December 1

“Kan buai theih êm avângin thlarau lam thil ngaihtuah nân hun kan nei meuh ṭhîn lo va. Kan nuna Pathian neih hi a pawimawhin i hria em? [A chhânna nghâk rawh.] Kum za tam tak kal taa thusawi lâr tak pakhat chuan hlim tak zet tûr chuan thlarau lam thil kan hlut a ngai tih a târ lang a, chu chu ka hmuhtîr ang che aw. [In neituin tuina a lantîr chuan Luka 11:28 chhiar rawh.] He magazine hian Pathian kan mamawh chhan pathumte chu a sawi a ni.”