Thusawi Dân Tûr Entîrna

September Thla Inrinni Hmasa Bera Bible Zirpui Neih Ṭanna Tûr

“Mi tam tak chuan vântirhkohte an ring a. I ring ve em? [A chhânna nghâk rawh.] Thlarau thil siam an nih angin vântirhkohte chu thil an ti thei hle a; mahse, an ṭanpui theih che i ring em? [A chhânna nghâk rawh.] Tûn laiah mihringte an ṭanpui dân chanchin ngaihvenawm ṭhenkhat ka hrilh thei che ang em?” In neitu chuan a ngaihvenna a târ lan chuan September 1 chhuak Vênnainsâng, a hnung lam kâwm chu hmuh la, zawhna hmasa ber hnuaia thu awmte chu sawipuiin, Bible châng târ lan pakhat tal chhiarpui ang che. Magazine chu pe la, a dawta zawhna sawipui tûra tlawh leh tûrin ruahmanna siam bawk rawh.

September 1

“Mihringte hian he leilung hi siam ṭhat theih tawh lo khawpin an tichhia niin i hria em? [A chhânna nghâk rawh.] Mihringte chuan an thil tihchhiat tawhte siam ṭha tûrin theihna an nei lova, mahse, Bible chuan Pathianin chutianga siam ṭha tûrin theihna a neih bâkah, a duh bawk tih min hrilh a ni. He mi chungchângah Bible châng ka kawhhmuh thei che ang em? [In neituin rem a tih chuan Sâm 65:​9-na chhiar rawh.] Tûn ṭum chhuak he Vênnainsâng hian Pathianin he leilung a ngaihsak dân leh hma lam huna malsâwmnate kan dâwn theih dân a sawi a ni. Hei hi i chhiar atân ka hnutchhiah thei che ang em?”