Khualchhâwn Thiamna Lantîrin “Thil Ṭhate” Chu Theh Chhuak Rawh (Mt. 12:35a)

Kan vai hian “mi khualte lâwmin” mi dangte hnêna “thil ṭhate” theh chhuah chu kan duh ang tih rinhleh rual a ni lo. (Rom 12:13) Upate chuan khual khua aṭanga lo kal thusawitute chu khualchhâwn thiam taka lo dawngsawng tûr leh an zin kawng mante tumsak tûra ruahmanna siamna kawngah hma an hruai a. Mahse, kan retheih avângin khualchhâwn thiamna lantîr chu kan hreh emaw, mi dangte kan ina an lo lên chu nuam kan ti lo emaw a ni thei. Marthi hnêna Isua thusawi chuan chutiang ngaih dân hneh thei tûrin min ṭanpui thei a ni. (Lk. 10:39-42) Ani chuan “chan ṭha” chu ei tûr tuihnai tak buatsaih emaw, in ṭha taka cheimawi emawah innghat lovin, inkawmnaah leh infuihnaah a innghat zâwk tih a sawi uar a. He zilhna hi zâwmin, Pathian Thu nêna inmilin “thil ṭhate” chu kan unaute hnênah kan theh chhuak thei a ni.—3 Joh. 5-8.