Rawngbâwlnaa Thiamna Tihhmasâwn Dân—Kan Biala Mi Tinte Be Pawhin

A PAWIMAWH CHHAN: Zakaria’n hnam ze tinrênga mite chuan chanchin ṭha chu an chhâng lêt ṭha dâwn tih a lo hrilh lâwk a. (Zak. 8:23) Mahse, anni chu tute’n nge zirtîr ang? (Rom 10:13-15) Kan biala mi tinte hnêna chanchin ṭha hrilh tûrin chanvo leh mawhphurhna kan nei a ni.—od-E 84 ¶10-11.

A TIH DAN TUR:

• Inbuatsaih rawh. Ṭawng dang hmangte chu i tâwk ṭhîn em? Thusawi dân hotê i zir theih nân JW Language app chu i hmang thei ang a. A nih loh pawhin i mobile hmangin jw.org-ah a ṭawnga thu tam lehzual a hmuh theih dân i entîr thei ang.

• Thil chîk rawh. In tin i kal a nih chuan, kawng laka i mi tawhte leh motor chhûnga mi dang nghâka lo ṭhûte chu hmaih suh. Vântlâng hmuna thu i hrilh chuan, i thiltum chu mite hnêna thu hrilh a ni tih hre reng rawh

• Taima rawh. Atîra ina awm lote chu hmuh tum reng ang che. Ina awm lote chu biak pawh tumin theih tâwp chhuah la, ni khat chhûnga hun dang, a nih loh leh chawlhkâr khat chhûnga ni dangah tlawh tum rawh. In neitu ṭhenkhat chu lehkha thawn emaw, telephone emaw, a nih loh leh kawtthlêra thu hrilhna emaw hmanga biak pawh an ngai mai thei

• Bawhzui rawh. Tuina lantîrtute chu bawhzui nghâl ṭhîn ang che. Ṭawng dang hmang a nih chuan, amah ṭanpui theitu tûr a ṭawng hmang thiam chu zawng rawh. A ṭawng hmang thiam thuchhuahtute’n an biak pawh hma loh zawng chu tlawh zawm zêl ang che.—od-E 94 ¶39-40

‘KAWLKIL THLENGA’ THU HRILHNA TIH VIDO EN HNUAH, A HNUAIA ZAWHNATE HI NGAIHTUAH ANG CHE:

• 

  Hmun kilkhâwra awmte be pawh tûrin unaute chu engtin nge an inbuatsaih? (1 Kor. 9:22, 23)

• 

  Eng harsatnate nge an hmachhawn?

• 

  Eng malsâwmnate nge an dawn?

• In bial chhûnga mite tam lehzuala be pawh thei tûrin eng hma lâkna nge i neih theih?