“I Nu leh I Pa Chawimawi Rawh”

Isua chuan leia a awm laiin: “I nu leh i pa chawimawi rawh,” tih thupêk chu a sawi uar hle a. (Ex. 20:12; Mt. 15:4) A naupan laiin a nu leh pate “thu zâwmin a awm a,” chuvângin he thu hi huai takin a sawi thei a ni. (Lk. 2:51) A rawn puitlin chuan, a thih hnua a nu enkawl dân tûr ruahmanna a siam a ni.—Joh. 19:26, 27.

Tûn laiah pawh, nu leh pate thu âwih a, zah taka betu Kristian naupangte chuan an nu leh pate chu an chawimawi a. A nihna takah chuan, nu leh pate chawimawi tûra thupêk chuan hun tiam chin a nei lo. An tar hunah pawh, an finna hlâwkpuiin kan chawimawi zawm zêl tûr a ni. (Thuf. 23:22) Kan nu leh pa tar tawhte chu rilru lam leh sum leh pai lama an mamawhte ngaihsakin kan chawimawi bawk. (1 Tim. 5:8) Kan naupang emaw, upa emaw pawh ni se, kan nu leh pate nêna inbiak pawhna ṭha tak neih chu kan chawimawi theih dân kawng pawimawh ber a ni.

WHITEBOARD ANIMATION ENGTIN NGE KA NU LEH PATE CHU KA BIAK THEIH ANG? TIH VIDEO EN HNUAH A HNUAIA ZAWHNATE HI CHHANG ANG CHE:

• Engvângin nge i nu leh pate biak chu harsa i tih mai theih?

• I nu leh pate i biak hunah engtin nge i chawimawi theih?

  

• Engvângin nge i nu leh pate biak pawh tum chu sâwt tak a nih? (Thuf. 15:22)