KRISTIANTE ANGIN NUNG RAWH
RAWNGBAWLNAA THIAMNA TIHHMASAWN DAN—JW.ORG Hmangin
A PAWIMAWH CHHAN: Kan Zirtîrna Hmanraw Bâwma thu leh hla chhuahte chuan jw.org a kawhhmuh vek a. A nihna takah chuan, contact card leh Khawiah Nge Nuna Zawhna Pawimawh Takte Chhânna Chu Kan Hmuh Theih Ang? tih tract-in a tum ber chu mite kan website kawhhmuh hi a ni. Kan Zirtîrna Hmanraw Bâwma thu leh hla chhuahte chu mi tuemaw hnêna e-mail hmanga electronic copy thawn nân emaw, a luhna tûr link thawn nân emaw jw.org i hmang thei a. Hei hi a bîk takin ṭawng dang hmangte hnêna thu hrilh hunah a ṭangkai hle ang. Chu bâkah, mite chuan Zirtîrna Hmanraw Bâwma tel lo, thu leh hla chhuah dangin chhânna a pêk zawhnate pawh min zâwt mai thei a. Chutiang hunah, jw.org kan hman thiam chuan rawngbâwlnaah kan hlawhtling lehzual ang.
A TIH DAN TUR:
“BIBLE ZIRTIRNATE” tab chu hmang rawh. Fate enkawl dân chungchâng hriat belh duhtu nu leh pa hnêna thusawi tûr angin han inchan teh. BIBLE ZIRTIRNATE > INNEIHNA LEH CHHUNGKUA tihah lût ang che.
“THU LEH HLA CHHUAHTE” tab hmang rawh. School-ah tawnchawpa thu hrilin, i school kalpui hnênah Zawhna 10 Ṭhalaite Zawh Ṭhin Chhânna tih chu i pe duhah han inchan teh. THU LEH HLA CHHUAHTE > LEHKHABU LEH BROCHURE-TE tihah lût ang che.
“ABOUT US” tab hmang rawh. Kan rinna chungchâng tâwi têa hrilhfiahna chungchâng chhiar duh i hnathawhpui hnêna thu hril angah han inchan teh. ABOUT US > FREQUENTLY ASKED QUESTIONS tihah lût ang che.
JW.ORG HMAN DAN TIH VIDEO EN LA, HETIANG MITE ṬANPUI TURA I LUHNA TUR CHU NGAIHTUAH ANG CHE:
Pathian hming hre lotu
tûn hnaia chhiatna râpthlâk tak tâwktu
rawngbâwlnaa chechâng tawh lo unau tuemaw
kan rawngbâwlna chhawmdâwl a nih dân hre duhtu tlawhkîr pakhat
ram dang mi a awmna rama inkhâwma tel duhtu