PATHIAN THU AṬANGA RO HLUTE | JOHANA 5-6
Rilru Put Hmang Dik Neiin Isua Zui Rawh
Zirtîrte’n hriatthiam harsa an tih tehkhin thu pakhat Isua’n a sawi khân, a ṭhen chuan an tlûk phah a, a hnung an zui tawh lo va. A hma nî lawkah, mak tak maia mipuite hraiin, Pathian pêk thiltihtheihna a neihzia a lantîr si a. Engvângin nge an tlûk? Isua an zui chhan chu mahni hma an sial vâng niin a lang. Isua chu tisa lam thila hlâwkna an hmuh duh avânga zui an ni.
Heti hian kan inzâwt ṭheuh tûr a ni: ‘Engvângin nge Isua ka zui? Tûn leh nakina malsâwmna dawn tûrte vâng a ni deuh ber em? Nge ni a, Jehova ka hmangaih vâng leh amah tihlâwm ka duh vâng zâwk?’ tiin.
Jehova rawng kan bâwl chhan chu a hnuaia thute vâng a nih deuh ber chuan engvângin nge kan tlûk palh theih?
Pathian mite nêna inkawm nuam tih vâng
Paradis-a nun duh vâng