Chhelna Nên Nghâk Fan Fan Rawh

Pathian Ram lo thleng tûrin eng anga rei nge i nghah tawh? Harsatna kârah dawhthei takin i tuar fan fan em? (Rom 8:25) Kristian ṭhenkhat chuan huatna te, kut thlâk te, tân ina khung te, leh thi tûra vaunate chu an tuar a. Mi dang tam tak chuan natna benvawn te, a nih loh leh kum upatnate chu an hmachhawn a ni.

Eng harsatna pawh hmachhawn mah ila, engin nge nghâk fan fan tûrin min ṭanpui ang? Nî tina Bible chhiar a, chhût ngunna hmangin kan rinna chu kan châwm tûr a ni a. Kan beiseina chu kan ngaihsak reng tûr a ni bawk. (2 Kor. 4:16-18; Heb 12:1, 2) Jehova hnênah inngaitlâwm taka ṭawngṭaiin a thlarau thianghlim thiltihtheihna kan ngên tûr a ni. (Lk. 11:10, 13; Heb. 5:7) Hmangaihna nei tak kan Pa chuan “hlim taka chhelna leh dawhtheihna tinrêng nei” tûrin min ṭanpui thei a ni.—Kol. 1:10-12.

‘CHHEL TAKIN KAN TLAN’ TUR A NI—LAWMMAN HMUH INRING TLATIN TIH VIDEO CHU EN LA, TICHUAN A HNUAIA ZAWHNATE HI CHHANG ANG CHE:

• 

  Kan nunah hian beisei loh eng thilte nge lo thleng thut thei? (Thur. 9:11)

• 

  Engtin nge harsatnate kan hmachhawn hunah ṭawngṭainain min ṭanpui theih?

• 

  Jehova rawngbâwlnaah tûn hma angin kan tel tam thei tawh lo a nih chuan, engvângin nge tûna kan tih theih thilte chu kan ngaihtuah tlat ang?

• 

  Lâwmman hmuh inring tlat tûrin engin nge ṭanpui che?