“Chûng Chu Ngaihtuah Rawh U”

Eng thilte maw? Philippi 4:8 chuan a dik apiang te, a zahawm apiang te, a fel apiang te, a thianghlim apiang te, a duhawm apiang te, a thangmawi apiang te, ṭhatna rêng a awm a, fakna rêng a awm phawt chuan ngaihtuah tûrin min fuih a. Hei hian Kristian chuan englai pawhin Bible chungchâng ringawt a ngaihtuah tûr tihna a kâwk lo. Mahse, kan thinlunga thil ngaihtuahte chuan Jehova a tilâwm tûr a ni a. A chunga rinawm tiharsa thei thilte chu kan ngaihtuah tûr a ni lo.—Sâm 19:14.

Ngaihtuahna ṭha lo pumpelh chu harsa kan ti thei a. Kan ṭhat famkim lohna kan do bâkah, “he khawvêl pathian” Setana kan do tel bawk a ni. (2 Kor. 4:4) Setana chuan he khawvêla chanchin theh darhna chi hrang hrang—TV channel te, radio te, Internet te, leh ziaka hmuh theih lehkhabu zawng zawng deuhthaw chu a thunun avângin a rin tlâk loh a ni. Kan thil ngaihtuah tûrte fîmkhur taka kan thlan loh chuan, kan ngaihtuahna a tikhawlo vang a, a tâwpah kan nungchang leh thiltihah nghawng pawi tak a nei ang.—Jak. 1:14, 15.

RINAWMNA TICHHETU CHU PUMPELH RAWH—THIL ENNAWM ṬHA LOTE TIH VIDEO EN HNUAH, A HNUAIA ZAWHNATE HI CHHANG ANG CHE:

• 

  Unaupa chuan a phone-ah eng nge a en a, chu chuan engtin nge amahah nghawng a neih?

• 

  Engtin nge Galatia 6:7, 8 leh Sâm 119:37-na chuan a ṭanpui?