Rawngbâwlnaa Thiamna Tihhmasâwn Dân—Telephone Hmanga Thu Hrilin

A PAWIMAWH CHHAN: Telephone hmanga thu hrilh hi ‘chanchin ṭha hriattîrnaa’ kawng pawimawh tak a ni a. (Tirh. 20:24)a Hei hian dinhmun engemaw avânga kan va tlawh pawh theih loh mite hnêna thu hrilh theihna min neihtîr a ni.

A TIH DAN TUR:

• 

  Inbuatsaih rawh. Thupui inâwm tak pakhat chu thlangsa la. I sawi duh dânte chu tâwi têin ziak chhuak rawh. I phone chu chhângtu a awm loh va, thu hnutchhiah tûra tih i nih chuan, chutiang huna i sawi tûr thu tâwi tê pawh inbuatsaih bawk rawh. Chu bâkah, i thusawi dân tûr ziah chhuahsa leh i mamawh tûr thu leh hla chhuahte bâkah, JW Library^® a nih loh leh jw.org^® ang chîte hawnsaa dawhkâna dah chu a ṭangkai thei a ni

• 

  Hahdam takin awm rawh. Pângngai takin ṭawng la. Hmêl inhmua inbia ang maiin nui hmêl pu la, zaizirin sawi rawh. I thusawi laiin ṭûl lo takin ngawi suh. Mi dangte thawhpui chu thil ṭha tak a ni a. In neituin zawhna a zawh che chuan, i thawhpuiin a chhânna a zawnpui theih nân che zawhna chu sawi nawn leh rawh

• 

  Tlawhkîr leh thei tûrin ruahmanna siam rawh. Miin a ngaihven chuan, i biak leh huna i chhânsak tûr zawhna pakhat i hnutchhiah thei ang. Thu leh hla chhuah a engemaw ber chu e-mail-a thawn emaw, mahnia va pêk emaw, a nih loh leh dâka thawnsak emaw i tum thei a. SMS-in emaw, e-mail hmangin emaw video, leh thuziak pakhat chu thawn i tum thei bawk a ni. Inâwm i tih chuan, Online Bible Study Lesson-te, a nih loh leh kan website-a thuziak engemaw ber chu i kawh hmuh thei bawk ang