THLAWHHMA RAWNGBAWLNAAH INHMANG RAWH | RAWNGBAWLNAAH I HLIMNA TIPUNG RAWH
Kan Zir Bingna Hmanruate Hmangin
Jehova chuan thiam taka zirtîrna tûr hmanruate min pe a, chûngte chu video-te, tract-te, magazine-te, brochure-te, lehkhabute, leh kan hmanraw pui ber Bible-te a ni. (2 Tim. 3:16) Bible thute kan hrilhfiah huna min ṭanpui tûrin zir bingna hmanruate pawh min pe bawk. Chûngah chuan Watchtower Library te, JW Library® app te, Vênnainsâng ONLINE LIBRARY™ te, leh Jehova Thuhretute Tâna Zir Bingna Hmanrua te a tel a ni.
Chûng hmanrua zawng zawngte hmanga thlarau lam ro hlute i laih chhuah chuan hlimna i nei ang. I zirpuite chu chûng hmanruate hman dân zirtîr ang che. Tichuan, anni pawhin Bible chungchânga zawhna an neihte chhânna hmu chhuakin hlimna an nei ve ang.
ZIRTIR SIAMNAAH JEHOVA ṬANPUINA DAWNGIN HLIMNA HMU RAWH—ZIR BINGNA HMANRUATE HMANGIN TIH CHANCHAWP VIDEO EN HNUAH, A HNUAIA ZAWHNATE HI CHHANG ANG CHE:
Thil siam chungchângah Jade-i’n eng nge a pawm loh?
Neeta-i’n chumi chungchâng hrilhfiahna thu khawiah nge a zawn?
Bible aṭanga ro hlute kan zawn a, mi dangte kan hrilh chhâwn hian kan hlim
Jade-i tâna ṭha ber tûr thu chu engtin nge a thlan?
Neeta-i’n kan zir bingna hmanruate a hmanna chuan eng nghawng nge a neih?