THLAWHHMA RAWNGBAWLNAAH INHMANG RAWH | RAWNGBAWLNAAH I HLIMNA TIPUNG RAWH
Bible Zirpuite Chu Inkhâwm Tûrin Ṭanpui Rawh
Kohhran inkhâwmte hi biakna thianghlim pêng pawimawh tak a ni a. (Sâm 22:22) Jehova be tûra kal khâwm zawng zawngte chuan hlimna an neiin, malsâwmna an dawng a. (Sâm 65:4) Bible zirpuite chu inkhâwma an tel ziah hian hma an sâwn chak lehzual tlângpui a ni.
Engtin nge i Bible zirpui chu inkhâwma tel tûrin i ṭanpui theih? Inkhâwma tel tûrin sâwm ziah rawh. Kingdom Hall-ah Eng Nge Thleng Ṭhîn? tih video chu chhuahsak la. Inkhâwm a hlâwknate chu hrilhfiah ang che. (lff zirlai 10) Inkhâwma I thuzir pakhat, a nih loh leh inkhâwm lo awm tûra zir tûr eng emaw chu i hrilh thei a ni. I Bible zirpuite chu inkhâwma hman tûr thu leh hla chhuahte chu pe la. A mamawh tak ṭanpuina pe bawk ang che. Inkhâwma tel thei tûrin lîrtheia phurh an ngai pawh a ni thei. I Bible zirpui chu a vawi khatna atân inkhâwmah a lo tel a nih chuan i theih tâwp chhuahna eng pawh chu a manhla ngei ang.—1 Kor. 14:24, 25.
I BIBLE ZIRPUI CHU INKHAWM TURIN ṬANPUI RAWH TIH CHANCHAWP VIDEO EN HNUAH, A HNUAIA ZAWHNATE HI CHHANG ANG CHE:
Neeta-i’n eng hun remchâng nge Jade-i kohhran inkhâwma tel tûra sâwm nân a hman?
Engvângin nge Bible zirpuite an rawn inkhâwm hian kan hlim?
“Pathian in zîngah a awm tak zet”
Jade-i chu a vawi khat inkhâwmnaah engtin nge a awm?