Samuela Nun Aṭanga Zir Tûrte

Samuela chu a dam chhûng zawng Jehova chungah a rinawm reng a. Naupang tê a nih lai pawhin Elia fapa, Hophnia leh Phinehasa te anga sual kawng zawh chu a duh lo a ni. (1 Sam. 2:22-26) Samuela chu a lo ṭhang lian deuh deuh va, Jehova’n a awmpui reng a ni. (1 Sam. 3:19) A lo upat hnuah pawh a fapate’n Jehova kawng zawh lo mah se, ani chuan a zawh chhunzawm zêl a ni.—1 Sam. 8:1-5.

Samuela hnên aṭangin eng nge kan zir theih? Naupang i nih chuan Jehova’n i harsatna tawh leh i ngaihtuahnate a hre thiam a nih tih ring tlat ang che. Ani chuan huaisen tûrin a ṭanpui thei che a. (Is. 41:10, 13) Nu leh pa i nih a, Jehova rawng bâwl lo fate i nei a nih chuan Samuela’n a fa puitling tawhte chu Jehova tehna laka rinawm reng tûrin a nawrlui thei lo a ni tih hriain thlamuanna nei ang che. Jehova kutah engkim a dah rualin, a rinawmna vawng rengin a Pa vâna mi Jehova a tilâwm a ni. I entawn tûr ṭha siam chuan i fa chu Jehova hnêna kîr leh tûrin a chêttîr thei a ni.

AN HNEN AṬANGIN INZIR RAWH—SAMUELA TIH VIDEO EN HNUAH, A HNUAIA ZAWHNATE HI CHHANG ANG CHE:

• 

  Engtin nge Samuela’n a naupan laiin huaisenna a lantîr?

• 

  Engtin nge Danny-a’n huaisenna a lantîr?

• 

  Engtin nge Samuela’n a upat hnuah entawn tûr ṭha a siam?

• 

  Engtin nge Danny-a nu leh pate’n entawn tûr ṭha an siam?