PATHIAN THU AṬANGA RO HLUTE

I Kawppui Tûr Fing Takin Thlang Rawh

Solomona chuan âtthlâk takin pathian dik lo betu hmeichhia tam tak nupuiah a nei (1 Lal. 11:1, 2; w18.07 16 ¶7)

Solomona nupuite chuan zawi zawiin Jehova lak ata a thinlung an hruai kawisak (1 Lal. 11:3-6; w19.01 15 ¶6)

Jehova chu Solomona chungah a thinur (1 Lal. 11:9, 10; w18.07 17 ¶9)

Thlalâk: Kawppui nei lo unaunuin mahnia Bible zirna a nei a, kawppui nei lo unaupa chungchâng a ngaihtuah. 1. Chu unaupa chuan kohhran inkhâwmah chhânna a pe. 2. Vântlâng hmaa thu hrilhnaah a tel. 3. Kingdom Hall thawm ṭhatnaah a ṭanpui.

Pathian Thu chuan kawppui nei lo Kristiante chu ‘Lalpaa awm mi chauh’ nei tûrin a fuih a. (1 Kor. 7:39) Mahse, mi chu baptisma a chan tawh vâng maiin kawppui tûr ṭha a ni tihna a ni lo. Ani chuan thinlung zawng zawnga Jehova rawngbâwl tûrin a ṭanpui che ang em? Hun engemawti chhûng Jehova hmangaihna thûk tak a lantîr em? Innei tûra thu tlûkna i siam hmain i neih tûra chu hre chiang tûrin hun hmang ang che.