Damdawi Lama Rîkrum Thil Atân Tûnah Lo Inbuatsaih Rawh

Engvângin nge i inbuatsaih ang? Damdawi lama rîkrum thil leh damdawi ina awm hial ngaihna dinhmunte chu hriat lâwk lohvin a lo thleng thut thei a. Chuvângin, chutiang thil a thlen hmain damdawi lama inenkawlna ṭha ber i dawn theih nân lo inbuatsaih tûra i tih theih apiang ti ang che. Chutianga i tih chuan, nunna leh thisen chungchânga Jehova dân i zahzia i lantîr tihna a ni ang.—Tirh. 15:28, 29.

Inbuatsaih tûrin eng nge i tih theih?

• Ṭawngṭaina nên ngun takin durable power of attorney (DPA) card ziak khat ang che.a Baptisma chang tawh thuchhuahtute chuan kohhrana thu leh hla lam enkawltu hnên aṭangin DPA card an dawng thei a, an fa naupangte tân pawh Identity Card (ic) an dawng thei a ni

• Raipuar i nih chuan in kohhran upate hnênah Information for Expectant Mothers (S-401) copy dîl ang che. He lehkha hian naupai lai leh nau hrin hnua damdawi lama inekawlna chungchângah thu tlûkna ṭha siam tûrin a ṭanpui ang che

• Thisen nêna inkûngkaih damdawi lama inenkawl i ngai emaw, damdawi ina awm emaw i ngai a nih chuan, kohhran upate hriattîr hmasa la, i awmna tûr damdawi in chu Jehova Thuhretute rawngbâwltuin an rawn tlawh che i duh thu hriattîr ang che

Engtin nge upate’n an ṭanpui theih che? DPA card ziak khat tûrin an ṭanpui thei che a. Mahse, upate chuan damdawi lama inenkawlnaah thu tlûkna an siamsak lo vang che a, mi mal thu tlûkna siam tûr chungchângah an mi mal ngaih dânte an sawi chhuak lo bawk ang. (Rom 14:12; Gal. 6:5) In tualchhûnga upate hnênah thisen nêna inkûngkaih mai thei damdawi lama inenkawlna i hmachhawn tûr thu i hrilh a nih chuan, Hospital Liaison Committee (HLC) an biaksak nghâl ang che.

Engtin nge HLC-in an ṭanpui theih che? HLC-a thawk unaupate hi damdawi lam leh tualchhûnga thuneitute hnêna thisen chungchânga sakhaw lama dikna kan neih hrilhfiah tûra zirtîrna dawng an ni a. Anni hian nangmah enkawltu tûr che hnênah thisen thun lova damdawi lama inenkawl dân an sawipui thei a ni. A ṭûl a nih chuan, thisen chungchânga i dinhmun hre thiamtu doctor dang zawng tûrin an ṭanpui thei bawk che.

THISEN NENA INKUNGKAIH INENKAWLNA LAMA THUTLUKNA SIAM THEIH DAN TIH VIDEO EN HNUAH, A HNUAIA ZAWHNATE HI CHHANG ANG CHE:

• He video-ah hian thisen nêna inkûngkaih damdawi lama rîkrum thil atâna lo inbuatsaih tûra ṭanpui theitu che eng nge i hmuh?

  Your answer