Hriatrengna Hun Chhûngin Thiltumte Insiam Rawh

Kum tinin Jehova mite chuan Hriatrengna hmanho theih hun tûr chu nghâkhlel takin an thlîr ṭhîn a. Hriatrengna thlen hma leh thlen hnu kârahte chuan tlanna thilpêk avânga Jehova chawimawi theihna hun remchâng ṭha bîk tak kan nei a ni. (Eph. 1:3, 7) Entîr nân, Hriatrengnaa lo tel tûra mi dangte sâwmnaah kan thawkrim hle a. Mi ṭhenkhat chu March, a nih loh leh April thla chhûngin dârkâr 30 emaw, 50 emaw hmua auxiliary pioneer thawk tûrin an insiamrem a ni. Hriatrengna hun chûng hian rawngbâwlnaah tam lehzuala tel i duh em? Chumi tihlawhtling tûr chuan engin nge ṭanpui thei che?

Ruahmanna kan lo siam lâwk hian kan thawk tam lehzual thei fo ṭhîn. (Thuf. 21:5) Hriatrengna hun chu a rawn thlen mai tawh dâwn avângin, tûn hi ruahmanna siam ṭan hun a ni. Hriatrengna hun chhûnga rawngbâwlnaa tam lehzuala i tel theih dân tûr ngaihtuah la, i thiltumte hlen tûra i tih ngaite chu rêl thlu ang che. Tichuan, Jehova hnênah i thawhrimna malsâwm tûrin dîl rawh.—1 Joh. 5:14, 15.

Hriatrengna hun chhûnga rawngbâwlna i zauh theih dân tûr kawngte i ngaihtuah thei em?