Bible Zirpuina Atâna Duan Video-te Hman Dân

Rawngbâwlnaa hman tûr Bible zirpuina atâna duan video pali kan nei a. Chûng video-te siam a nih chhan chu eng nge ni?

• 

  Engvângin Nge Bible I Zir Ang?—A Tluanin tih video chu eng sakhaw vuantu pawhin Bible a ngaihven theih nâna duan a ni a. Chu chuan a entute chu nuna zawhna pawimawh tak takte chhânna Bible-a zawng tûra a fuih bâkah, Bible-a kan hmuh chhânna inâwm takte a kawhhmuh a ni. Chu bâkah, Bible zirna neih theih dân a hrilhfiah bawk.

• 

  Engvângin Nge Bible I Zir Ang? (a lâk tawi) tih video chu a tluan nên inang hle mah se, a sei lam erawh a tluan hmun thuma ṭhena hmun khat chauh a ni a. Mite an buai êm êmna bial chhûnga hman atân a ṭangkai hle a ni.

• 

  Bible Zirnaah Eng Nge Thleng Ṭhîn? tih video chu a thlâwna Bible zirtîrna program ngaihventîr lehzual tûr leh Bible zirna dîl dân pawh tiamin, mi tam takte zawh ṭhin zawhna tlâng lâwn ṭhenkhatte chhânna atâna duan a ni.

• 

  Bible Sawihona Nuam Tak Nei Ang Che tih video chu Bible zirlaite tâna duan a ni a. Chu video chu Chatuanin I Hlim Thei! tih lehkhabu hmêlhriattîrna phêk hnihnaa chuang ni mah se, Chatuanin I Hlim Thei! tih brochure hmanga sawihona neih hunah pawh chhuahsak theih a ni. Chu chuan lehkhabu-a chuangte a târ lan bâkah, sawihona neih huna zirlaite’n an beisei theihte a târ lang bawk.

Video tinte siam a nih chhan chu inang lo mah se, a remchân hun apianga mite hnêna chhuahsak emaw, thawn chhuah emaw theih tûra duan a ni a. Thuchhuahtute chu chûng video-te hre bel lehzual tûr leh rawngbâwlnaa hmang thiam lehzual tûra fuih an ni.